Շիրակի մարզպետի աշխատակազմ

Հայրենասիրության ու հայրենասիրություն դաստիարակելու համար այսօր Երիտասարդական պալատում պարգևատրվեցին մի շարք մանկավարժներ, որոնց աշակերտները ծառայության ընթացքում աչքի են ընկել հայրենասիրությամբ, ինչպես աշակերտներ, այնպես էլ բանակից զորացրված զինծառայողներ:
Ողջունելով ներկաներին Շիրակի մարզպետ Արթուր Խաչատրյանը նշեց. «Ինձ համար միշտ ամենահուզիչն ու ամենադժվարը մեր զինված ուժերի մասին խոսելն է եղել: Զինված ուժերի վրա է դրված մեր գոյության պատասխանատվությունը: Մեր բանակի առաքելությունը չափազանց մեծ է, մենք գիտենք մեր պատմությունից, թե ինչ է նշանակել, երբ չենք ունեցել կանոնավոր բանակ: Չի կարող լինել պետություն առանց բանակի: Իսկ բանակը նախևառաջ մեր զինվորականներն են, ձեզ բոլորիդ մաղթում եմ կորով ու քաջություն, ուժ, որ պաշտպանենք մեր երկիրը»:
Նշենք, որ միջոցառումը կազմակերպել էր Գյումրու քաղաքապետարանը Գյումրու տարածքային զինկոմիսարիատի հետ համտեղ: