Նորություններ
Արթուր Խաչատրյանը հանդիպել է «Հայաստանի մանուկներ» հիմնադրամի ներկայացուցիչներին
06.03.2018
Մարտի 6-ին Շիրակի մարզպետ Արթուր Խաչատրյանը հանդիպել է «Հայաստանի մանուկներ» հիմնադրամի ներկայացուցիչներին: Հիմնադրամի անդմաները մարզպետին ներկայացրել են իրենց ծրագրերն ու իրականացրած աշխատանքները` նշելով, որ հիմնադրամի աշխատանքը միտված է Հայաստանի կարիքավոր գյուղական բնակավայրերում երեխաների բարեկեցիկ ապագայի կառուցմանը` կրթության, առողջապահության, համայնքային կյանքի և տնտեսական պայմանների բարելավման միջոցով:
«Հայաստանի մանուկներ» հիմնադրամը Շիրակի մարզում գործունեություն ծավալում է 2017 թվականից, ծրագրերն իրականացվում են մարզի թվով 7 համայնքներում: Շիրակի մարզպետը կարևորել է հիմնադրամի բազմակողմանի ծրագրերի իրականացումը և վստահեցրել է, որ մարզային իշխանությունները պատրաստ են համագործակցության և աջակցություն տրամադրելուն: