Շիրակի մարզպետի աշխատակազմ

Մարտի 19-ին Շիրակի մարզպետ Արթուր Խաչատրյանը հանդիպել է աշխատանքային այցով Գյումրի ժամանած Հայաստանում ԵՄ պատվիրակության ղեկավար, դեսպան Պյոտր Սվիտալսկիի հետ: Մարզպետն ու դեսպանը զրուցել են Եվրամիության կողմից 2018 թվականին մարզում իրականացվելիք ծրագրերից, առաջիկա անելիքներց: Կողմերը կրկին անգամ պատրաստակամություն են հայտնել համագործակցելու` կարևորելով Շիրակի մարզում զբոսաշրջության և գյուղատնտեսության զարգացումը:
Նշենք, որ ԵՄ դեսպան Պյոտր Սվիտալսկին այնուհետև մասնակցել է տեղեկատվական հանդիպման, որը նվիրված է եղել ԵՄ կողմից հայտարարված 0.8 միլիոն եվրո ընդհանուր բյուջեով «Գործնական ուսուցման և աշկերտության վրա հիմնված՝ մասնագիտական կրթության ու ուսուցման (ՄԿՈՒ) և գործարար ոլորտի միջև համագործակցության» թեմայով հայտամրցույթին: Հայտամրցույթի նպատակն է ամրապնդել կապը գործատուների հետ և ներդնել ուսուցման հնարավորություններ աշխատանքի հիման վրա: Սա հնարավորություն է փորձարկել երիտասարդների աշխատունակության բարձրացման նորարարական ուղիները՝ կրթության և բիզնեսի ոլորտների միջև գոյություն ունեցող բացը կամրջելու միջոցով: