Նորություններ
Մի շարք միջոցառումներ նվիրված «կայուն էներգետիկայի օրերին»
05.06.2018
Շիրակի մարզի Արթիկ քաղաքում այսօր տրվեց «Եվրամիությունը հանուն Հայաստանի կայուն էներգետիկայի վերկանգնվող էներգիայի խթանման» ծրագրի մեկնարկը: Հունիսի 5-ին «Էներգախնայողության աջակցման հիմնադրամ» և «Համայնքների միություն» հասարակական կազմակերպությունների նախաձեռնությամբ իրականացվեցին մի շարք միջոցառումներ` նվիրված «կայուն էներգետիկայի օրերին»:
Եվրոպական միության դրամաշնորհային ծրագրի շրջանակներում Արթիկում իրականացվելու է վերականգնվող էներգետիկայի խթանման ծրագիր, որի շրջանակներում նախատեսվում է կառուցել համակարգային արևային ֆոտովոլտային կայան` արտադրված էլեկտրաէներգիան էլեկտրացանցին վաճառեու նպատակով: Դրամաշնորհային ծրագրի 20 տոկոսը համաֆինանսավորելու է նաև Արթիկ համայնքը: Արևային կայանի կառուցման համար կփորձարկվի «հանրային-մասնավոր» գործակցության մոտեցումը: Ծրագրի ավարտից հետո կմեծանա Արթիկի էներգետիկ անվտանգության մակարդակը: