Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղի է ունեցել հայ-ռուսական միջտարածաշրջանային համագործակցության համատեղ աշխատանքային խմբի հինգերորդ նիստը
29.06.2018
ՀՀ տարածքային կառավարման և զարգացման նախարարի առաջին տեղակալ Վաչե Տերտերյանի համանախագահությամբ կայացել է ՌԴ և ՀՀ միջև տնտեսական համագործակցության հարցերով միջկառավարական հանձնաժողովի շրջանակներում գործող հայ-ռուսական միջտարածաշրջանային համագործակցության համատեղ աշխատանքային խմբի հինգերորդ նիստը, որի արդյունքներով համանախագահներ Վաչե Տերտերյանը և Վիտալի Գուդինը ստորագրել են հինգերորդ նիստի արձանագրությունը։
Համաժողովի ժամանակ կազմակերպվել են նաև «Թվային օրակարգ` մարզերի հայացքը», «Երևան-Մոսկվա. խելացի քաղաքներ, խելացի լուծումներ», «Ագրոարդյունաբերական համալիրի թվայնացում», «Զբոսաշրջության ոլորտի զարգացումը թվային տնտեսության ձևավորման պայմաններում» և «Սոցիալական ցանցերի և թվային տարածության հանրահռչակությունը՝ որպես երիտասարդության միտումները որոշող գործոն» խորագրերով կլոր-սեղան հանդիպումներ։ Կլոր-սեղան քննարկումներին ակտիվ մասնակցություն են ցուցաբերել նաև մարզերը:
Համաժողովի շրջանակներում կայացած աշխատանքային խմբի հինգերորդ նիստին Շիրակի մարզպետի տեղակալ Սոֆիա Հովսեփյանը նշել է. «Շատ կարևոր է, որ քննարկումներն ու մոտեցումները, միջմարզային համագործակցության վերաբերյալ ստորագրված փաստաթղթերը ունենան գործնական կիրառում և կյանքի կոչվեն»:
Զբոսաշրջության բնագավառին առնչվող նաև թեմատիկ քննարկման ժամանակ Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը ներկայացրել է մարզի 2018-2025թթ. զբոսաշրջության հայեցակարգը:
