Նորություններ
Հանդիպում Կուրսկից ժամանած պատվիրակության հետ
30.06.2018
Շիրակի մարզպետ Կարեն Սարուխանյանի գլխավորթյամբ մարզային իշխանության ներկայացուցիչներն այսօր ընդունել են Կուրսկից Հայաստան ժամանած պատվիրակությանը: Կարեն Սարուխանյանը ողջունելով հյուրերին նշել է, որ կարևորում է միջմարզային մակարդակով համագործակցության խորացումը. «Ողջունում եմ ձեզ մեր մարզում, հայ-ռուսական բարեկամությունը դարերի պատմություն ունի: Մենք վստահ ենք, որ հայ-ռուսական հարաբերությունները առավել սերտանալու են, իսկ դրան կնպաստի նաև ապակենտրոնացված համագործակցությունը, մեզ համար կարևոր է այսօրինակ հանդիպումներն ու համագործակցությունը, իմ անունից վստահեցնում եմ, որ մենք ամեն ինչ կանենք համատեղ աշխատանքային մթնոլորտն առավել գործնական դարձնելու,գործնական քայլեր ձեռնարկելու համար»:
Շիրակի մարզպետը հյուրերին ներկայացրել է մարզն ու նրա հնարավորությունները, Կուրսկի հայ համայնքի ղեկավար Դերենիկ Կոշտոյանից հետաքրքրվել համայնքի գործունեությամբ:
Կուրսկի մարզի վարչակազմի արտաքին կապերի զարգացման կոմիտեի նախագահ Սվետլանա Դորոշը մարզպետին շնորհակալություն է հայտնել ջերմ ու անմիջական ընդունելության համար` ընդգծելով, որ հյուրընկալ ու անմիջական մթնոլորտը տրամադրում է գործնական հարաբերությունների հաստատմանը:
Կողմերը ձեռք են բերել պայմանավորվածություն առաջիկայում ստորագրելու միջմարզային համագործակցության վերաբերյալ հուշագիր:
Հիշեցնենք, որ դեռ 2015 թվականին Գյումրիում բացվեց հայ-ռուսական բարեկամությունը խորհրդանշող հուշակոթող և պուրակ: Պուրակի հարակից հրապարակը, Գյումրու ավագանու որոշմամբ, կոչվեց Կուրսկի հրապարակ: