Նորություններ
Մեկնարկեց «Կենցաղային խնամքի ծառայություններ Ամասիա համայնքի ծերերի համար» ծրագիրը
26.07.2018
Շիրակի մարզպետի տեղակալներ Սոֆիա Հովսեփյանն ու Արա Մելիքջանյանը ՀՀ-ում Ճապոնիայի արտակարգ և լիազոր դեսպան Ջուն Յամադայի հետ այսօր այցելել են Ամասիա համայնք: «Կենցաղային խնամքի ծառայություններ Ամասիա համայնքի ծերերի համար» ծրագրի շրջանակներում համայնքին ճապոնական կողմը նվիրել է մեքենա, որի մեջ կան հատուկ ծառայություններ մատուցող սարքավորումներ:
Շուրջ 28 հազար դոլար արժողությամբ ծրագրի շրջանակներում կամավորները կենցաղային ծառայություններ կմատուցեն տարեցներին: Այսօր կամավորներին օգնել են նաև մարզպետի տեղակալներն ու դեսպան Յամադան:
Նշենք, որ ծրագրի շրջանակներում կամավորները ծերերի համար լվացք կանեն, պատուհանները կլվանան, բակերի ձյունը կմաքրեն, այգեգործական աշխատանքներ կկատարեն: Ծրագրով նախատեսվում է բժշկական օգնության տրամադրում ևս` ճնշման չափում, առաջին անհրաժեշտության դեղորայքի տրամադրում: Աջակցություն կտրամադրվի Ամասիա համայնքի 9 բնակավայրի ծերերի: