Շիրակի մարզպետի աշխատակազմ

Օգոստոսի 20-ին Շիրակի մարզպետ Կարեն Սարուխանյանը մարզպետարանի աշխատակիցների հետ այցելեց Թորոսգյուղի տարածքում գտնվող Հայ Կաթողիկե եկեղեցու «Աղաջանյան» ճամբար: Ճամբարում մեկնարկում էր ճամբարականների 8-րդ հերթափոխը, որն ավարտվելու է օգոստոսի 28-ին: Հերթափոխի երեխաներն անակնկալ մատուցեցին մարզպետին: Ծնունդդ շնորհավոր երգով և 32 վառած մոմերով դիմավորեցին մարզպետին: Կարեն Սարուխանյանը ծափերի ներքո հանգցրեց մոմերը: Ի պատիվ Շիրակի մարզպետի եղան մի քանի կատարումներ երեխաների մասնակցությամբ: Շիրակի մարզպետին շնորհավորեց Հայաստանի, Վրաստանի, Ռուսաստանի և Արևելյան Եվրոպայի հայ կաթողիկեների առաջնորդ Ռաֆայել Արքեպիսկոպոս Մինասյանը: Շիրակի մարզպետը շնորհակալություն հայտնեց երեխաներին և ճամբարի կազմակերպիչներին այդ անչափ գեղեցիկ անակնկալի համար: Երեխաներին մաղթեց բարի հանգստյան օրեր, ուրախ և հագեցած ժամանց և նոր ուժերով բարի վերադարձ դպրոց: