Նորություններ
Նշվեց ևս մեկ հուշ ցերեկույթ
21.08.2018
Օգոստոսի 21-ին ՀՀ Շիրակի մարզպետի տեղակալ Վարդան Գրիգորյանը մարզպետարանի պատասխանատուների հետ Լոռու մարզի Նոր Խաչակապ գյուղում մասնակցեց 1804 թվականի Ռուս-պարսկական պատերազմում հերոսաբար զոհված Ռուս 114 զինվորների և նրանց միացած տեղի շուրջ 60 բնակիչների հիշատակի օրվան նվիրված միջոցառմանը: Միջոցառմանը մասնակցում էին Գյումրիում ՌԴ հյուպատոս Ալեքսանդր Կոպնինը, Գյումրիում տեղակայված սահմանապահ ջոկատի և 102-րդ ռազմաբազայի ղեկավարները, ՀՀ Լոռու մարզպետ Հրանտ Մարգարյանը, Վանաձորի քաղաքապետ Մամիկոն Ասլանյանը հյուրեր մարզի տարբեր բնակավայրերից: Շիրակի մարզպետի տեղակալ Վարդան Գրիգորյանն իր խոսքում ասաց, - երեկ, օգոստոսի 20-ին Շիրակի մարզի Գյումրի քաղաքի «Պատվո բլուր» հուշահամալիրում հանդիսավոր մթնոլորտում մենք միասին նշեցինք վերականգնված հուշահամալիրի բացման 8-րդ տարեդարձը, նվիրված ռուս-թուրքական պատերազմների ընթացքում զոհված ռուսական բանակի սպաներին եւ զինվորներին: Այսօր մենք մասնակցում ենք անհավասար մարտում հերոսաբար զոհված՝ մայոր Իոսիֆ Մոնտրեզորիին, նրա խիզախ զինվորներին և տեղաբնակներին նվիրված միջոցառմանն, ով իր փոքրիկ ջոկատով կյանքի գնով առաջին ռուս-պարսկական պատերազմում Փամբակի դաշտում «մահը գերադասելով խայտառակ գերությանը», զինվորների քաջությունյամբ ,անմահացրեց իր անունը:
Այսօր, պահպանելով մեր պատմական ևւ մշակութային ժառանգության ավանդույթները, կրկին հավաքվեցինք հարգանքի տուրք մատուցելու ազատության և անկախության համար զոհված հերոսներին, վառ պահելու նրանց հիշատակը: