Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
«Փոքրիկ Իշխան»ի հաղթողները մարզպետի տեղակալին հյուր
22.08.2018
Օգոստոսի 22-ին Շիրակի մարզպետի տեղակալ Սոֆիա Հովսեփյանն ընդունել է Երևանի առագաստային ակումբի կողմից Սևանում կազմակերպված Հայաստանի սերֆինգի առաջնությանը մասնակցած «Հայկական Կարիտաս բարեսիրական» կազմակերպության Գյումրու «Փոքրիկ Իշխան» երեխաների սոցիալական կենտրոնի թիմի անդամներին և կազմակերպության պատասխանատուներին։ 6-րդ և 7-րդ տեղերը զբաղեցրած` Ջորջ Ասլանյանը և Գարիկ Ղոջոյանն արժանացել են պատվոգրերի և մրցանակների: Մարզպետի տեղակալը գոհունակությամբ նշեց. «Այս սպորտաձևը նոր է և դուք ձեր դասարանցիներին օրինակ եք ծառայելու, որպեսզի այն լայն ճանաչում ունենա նաև մեր մարզում»։ Սոֆիա Հովսեփյանը շնորհակալություն է հայտնել կազմակերպիչներին, իսկ երեխաները մարզպետի տեղակալին փոխանցել են շնորհակալագիր՝ Շիրակի մարզի սերֆինգի հավաքականի թիմի մրցումներին մասնակցությունը կազմակերպելու և աջակցելու համար:
