Նորություններ
Արդենիս լիճը փրկվեց Շիրակի մարզպետի շնորհիվ
23.08.2018
Դեռևս պաշտոնը նոր ստանձնած Շիրակի մարզպետ Կարեն Սարուխանյանն ահազանգ ստացավ Շիրակի մարզի Արդենիս գյուղում գտնվող Արդենիս լճին սպառնացող վտանգի մասին: Շիրակի մարզի գեղատեսիլ Արփի լիճ ազգային պարկի տարածքում գտնվող Արդենիսի լճի հարևանությամբ գործող խոզաբուծական ֆերման ջրահեռացման համակարգ չունի և կեղտաջրերը լցվում են լիճը: Մարզպետը խնդրի լուծումը խիստ կարևորելով, նախ հանձնարարեց դրանով զբաղվել առանց հապաղելու ապա հունիսի 20-ին անձամբ այցելեց տարածք, տեղում համոզվելու ահազանգի իսկությանը:
Պարզվում է, իրոք, հարցը շատ լուրջ է, այդ մասին նույնիսկ հրապարակում է եղել մամուլում, սակայն, այդպես էլ հարցին լուծում չի տրվել, իհարկե, անհասկանալի պատճառով, բայց չի տրվել: Լրատվամիջոցը իր նյութում պնդում էր, որ այն պատկանում է Արփի խոշորացված համայնքի ղեկավար Մերգել Ղարիբյանին, սակայն հետագայում պարզ դարձավ, որ այն գյուղապետին չի պատկանում, բայց դրանից չպակասեց համայնքի ղեկավարի պատասխանատվության չափը, քանզի այդ գեղեցիկ լճակը գտնվում է հենց իր վարչական համայնքում և իր անմիջական գյուղում: Շիրակի մարզպետը խիստ հանձնարարեց միջոցներ ձեռնարկել, լիճը կործանումից փրկելու համար, չնայած ասենք որ լիճը հասցրել էր կործանվել, այնտեղ որևէ տեսակի ձուկ չկար աղտողտվածության պատճառով: Շիրակի մարզպետն առաջարկեց, խոզաբուծարանին կից սեպտիկ հոր փորելու և կեղտաջրերը հեռացնելու տարբերակը քննարկել և կարճ ժամկետում այն կյանքի կոչել, լիճը կործանումից փրկելու համար: Այսօր, ի ուրախություն բոլորիս, պարոն Սարուխանյանի գլխավորած աշխատանքային խումբն այցելեց Արդենիս: Խոզաբուծարանի տարածքում փորվել էր սեպտիկ հորը, կեղտաջրերի ուղությունը կանխվել էր դեպի լիճ և գնում էին հորը: Մերգել Ղարիբյանը խոստովանեց, որ պատվիրվել է նախագիծ մնացած սեպտիկ հորերի փորման համար, սակայն այս մեկն արվել է պարոն մարզպետի հանձնարարականի համաձայն և կեղտաջրերն այլևս լիճ չէն հոսի: Պարոն մարզպետ շնորհակալություն հայտնեց ժողովրդի անունից, վերջին հաշվով այն պատկանում է ժողովրդին, և յուրաքանչյուրը պարտավոր է, առավել ևս պաշտոնատար անձինք, հոգ տանելու բնության, շրջակա միջավայրի և բնապահպանության հարցերում, մեր վաղվա սերունդներին մաքուր տարածք փոխանցելու համար: Աշխատանքները, չնայած ուշ ժամի շարունակվում էին: