Նորություններ
Շիրակի մարզպետի հյուրն էր Ռոբերտ Էմմիյանը
04.09.2018
Շիրակի մարզպետ Կարեն Սարուխանյանն այսօր ընդունել է անվանի հեռացատկորդ Ռոբերտ Էմմիյանին: Ողջունելով ԽՍՀՄ սպորտի վաստակավոր վարպետին` մարզպետը նշել է, որ անուրանալի է Էմիյանի ներդրումը Հայաստանում թեթև աթլետիկայի զարգացման գործում:
«Թեթև աթլետիկան այն մարզաձևն է, որ հենց այնպես չէ, որ համարվում է սպորտի թագուհի և լիարժեքորեն նպաստում առողջ մարմին ունենալուն: Դուք այն մարզիկն եք, ում անունը բոլորիս մոտ խորհրդանշում է հաղթանակ ու նվաճումներ: Մենք ուրախ ենք ողջունել ձեզ, պատրաստ ենք լսելու ձեր խորհուրդներն ու աջակցելու մեր հնարավորությունների սահմաններում»,-ասել է Կարեն Սարուխանյանը:
Կողմերը քննարկել են Շիրակի մարզում թեթև աթլետիկայի զարգացմանն առնչվող հարցեր: Անվանի մարզիկը կարևորել է թեթև աթլետիկայի դերի բարձրացումն ու մարզաձևին պատշաճ ուշադրություն դարձնելը: Անդրադարձ է եղել Էմիյանի անունը կրող Գյումրու թեթև աթլետիկայի մարզադպրոցի շենքային պայմանների բարելավման խնդրին: Կարեն Սարուխանյանը պատասխանատուներին հանձնարարել է ուսումնասիրել և առաջարկներ ներկայացնել հարցի լուծման առնչությամբ: Շիրակի մարզպետը հավաստել է, որ կհետաքրքրվի ու կփորձի աջակցել Ռոբերտ Էմմիյանին` թեթև աթլետիկայի վազքուղի կառուցելու ձեռնարկը կյանքի կոչելուն: