Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գյումրու փողոցաշինական աշխատանքներում թերությունները բացառվելու են
10.09.2018
Գյումրու փողոցաշինական աշխատանքների վերահսկողությունն համակարգող աշխատանքային խմբի ղեկավար Արա Մելիքջանյանը` արձագանքելով երեկ երեկոյան համացանցում տարածված տեսանյութին, որտեղ ներկայացվել էին փողոցաշինական աշխատանքներում առկա թերությունները, այցելել է Վազգեն Սարգսյան փողոց, հանդիպել «Ա. Ա. Բ. Պրոեկտ» և «Էլեկտրասերվիս» ՍՊԸ-ների ղեկավարներին, ովքեր «Գյումրու քաղաքային ճանապարհներ» ծրագրով իրականացնում են փողոցի վերականգնման աշխատանքները: Աշխատանքային խմբի ղեկավարը մասնագետների ուղեկցությամբ հետևել է կատարված աշխատանքներին, ըստ մասնագետների բազալտե եզրաքարերի շարվածքը չի համապատասխանել շինարարական նորմերին ու ստանդարտներին, դրանից զատ աշխատանքներում արձանագրվել են մի շարք թերություններ, որոնց վերացման համար աշխատանքային խումբը տեղում հանձրնարարականներ է տվել` նշելով, որ եթե այսուհետ ևս թերացումներ ու խախտումներ արձանագրվեն, ապա վերահսկողությունն իրականացնող խումբը կդիմի կտրուկ քայլերի, ընդհուպ մինչև տուգանքների կիրառում:
«Մեզ համար որևէ պատճառաբանություն անընդունելի է դառնում, երբ խոսք է գնում անորակ աշխատանքի մասին, ցանկացած մետրի վրա կատարված աշխատանքում որակի անհամապատասխանություն չպետք է լինի:Անընդունելի եմ համարում ժամկետների մեջ տեղավորվելու պատճառաբանությամբ անորակ աշխատանքների իրականացումը: Ավելի լավ է մեկ անգամ որակով կառուցել, քան հինգ անգամ անորակ, որը քանդվելու է»,-նշել է աշխատանքային խմբի ղեկավար Արա Մելիքջանյանը:
Արա Մելիքջանյանը շինարարներին հորդորել է արհեստական լարվածություն չստեղծել ու լծվել շինաշխատանքներին, որոնց մեջ անորակությունը պետք է բացառվի:
