Շիրակի մարզպետի աշխատակազմ

Շիրակի մարզպետ Կարեն Սարուխանյանն այսօր այցելել է Անի խոշորացված համայնքի Մարալիկ բնակավայր, հանդիպել է համայնքի ղեկավար Արտակ Գևորգյանի հրաժարականը պահանջող նստացույցի մասնակիցներին: Զրուցելով բողոքի ակցիա անցկացնողների հետ` մարզպետը նշել է, որ նոր Հայաստանում իրար հետ համագործակցության եզրեր չգտնող բնակիչներ ու համայնքի ղեկավար չպետք է լինի. «Յուրաքանչյուր համայնքի ղեկավար, յուրաքանչյուր չինովնիկ պարտավոր է ծառայել իր ժողովրդին, նոր Հայաստանում չպետք է լինի մի պաշտոնյա, ով կվախենա կամ չի շփվի իր քաղաքացու հետ, յուրաքանչյուր ղեկավար պետք է հաշվի նստի ժողովրդի կարծիքի հետ, սակայն ձեր նստացույցի ու համայնքի ղեկավարի հրաժարականի պահանջն էլ պետք է հիմնավորված լինի, ուղղակի անպատճառ պահանջներն էլ են անընդունելի»:
Կարեն Սարուխանյանը նստացույցի մասնակիցներին հորդորեց զերծ մնալ անօրինական քայլերից, ճանապարհներ չփակել, չոտնահարել այլոց իրավունքները: