Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացիների հերթական ընդունելություն
14.09.2018
Լինել հասանելի ցանկացած քաղաքացու համար, լսել ցանկացած հոգս, փորձել օգնել հնարավորությունների սահմաններում` այս կարգախոսով արդեն 14-րդ ուրբաթը Շիրակի մարզպետը ընդունում է մարզի բնակիչներին: Ինչպես բոլոր հանդիպումների ժամանակ, այս ուրբաթ ևս Կարեն Սարուխանյանին քաղաքացիները դիմել են բնակարանային ու աշխատանքի խնդիրներով, ֆինանսական աջակցության ու խորհրդատվական հարցերով:
Քաղաքացիների ընդունելության շրջանակներում Կարեն Սարուխանյանն այսօր հանդիպել է նաև գիտատեխնիկական «Երեք կետ» միության ներկայացուցիչներին, ովքեր ներկայացրել են իրենց գործունեությունը: 2012թվականից միությունը արտադրում է արևային շարժական համակարգեր, լուսավորվող ներկեր, ապակու և բազալտե կոնստրուկցիաներ: Կարեն Սարուխանյանը ողջունել է հյուրերին` նշելով, որ ուրախ կլիներ, եթե ընկերությունը գործունեություն ծավալեր նաև Շիրակի մարզում:
