Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նշվեց Գյումրու օր տոնակատարությունը
30.09.2018
Սեպտեմբերի 30-ին Գյումրիում կրկին տոն էր: Մեծ շուքով նշվեց Գյումրու օր տոնակատարությունը, որին մասնակցում էր ՀՀ առաջին փոխվարչապետ Արարատ Միրզոյանը, ՀՀ-ում ԵՄ պատվիրակության ղեկավար, դեսպան Պյոտր Սվիտալսկին, բազմաթիվ հյուրեր հանրապետության տարբեր բնակավայրերից: Պարոն Միրզոյանը Շիրակի մարզպետ Կարեն Սարուխանյանի, Գյումրու քաղաքապետ Սամվել Բալասանյանի, մարզային և քաղաքային իշխանությունների ներկայացուցիչների ուղեկցությամբ, անցավ տոնական տաղավարների մոտով, ծանոթացավ Գյումրու մշակույթին, արվեստին, համտեսեց գյումրվա ուտեստներից: Յուրաքանչյուր տաղավարի մոտ իրենց մշակույթն ու արհեստը ներկայացնող վարպետները ներկայացնում էին հյուրերին իրենց աշխատանքները, ինչպես նաև աշխատանքների հետ կապված փոքրիկ գաղտնիքներն ու առանձնահատկությունները: Պարոն Միրզոյանը Գյումրեցիներին փոխանցեց ՀՀ Վարչապետ Նիկոլ Փաշինյանի շնորհավորանքներն ու ջերմ բարեմաղթանքները գյումրու օրվա կապակցությամբ, և իր անունից գրառում կատարեց Գյումրու օրվան նվիրված պաստառին՝ Տաղանդդ անսպառ Գյումրի:
