Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հանդիպում «Կազա» կազմակերպության ներկայացուցիչների հետ
02.10.2018
Հոկտեմբերիր 2-ին Շիրակի մարզպետ Կարեն Սարուխանյանը մարզպետի տեղակալ Վարդան Գրիգորյանի և խորհրդական Նազելի Բաղդասարյանի հետ հանդիպել են «Կազա» շվեյցարական մարդասիրական հիմնադրամի Շիրակի մարզային կազմակերպության ներկայացուցիչներին: Ճանաչողական հանդիպման ժամանակ հիմնադրամի ներկայացուցիչները Կարեն Սարուխանյանին ներկայացրել են իրենց գործունեությունն ու կատարած աշխատանքները` նշելով, որ 1997 թվականից ի վեր կազմակերպությունը գործունեությունը ծավալել է հինգ ոլորտներում`մարդասիրություն, շինարարություն, կրթություն, գյուղատնտեսություն, զբոսաշրջություն: Հանդիպման ժամանակ անդրադարձ է եղել ֆրանկոֆոնիայի գագաթնաժողովին մարզի մասնակցությանը, ինչպես նաև կազմակերպության ու Շիրակի մարզպետարանի հնարավոր համագործակցությանն առնչվող հարցերի: Շիրակի մարզպետը նշել է, որ բարձր է գնահատում հիմնադրամի գործունեությունը` վստահեցնելով, որ Շիրակի մարզային իշխանությունները պատրաստ են հնարավորությունների սահմաններում աջակցելու և համագործակցելու կազմակերպության հետ:
