Նորություններ
Շիրակի մարզն արդեն ունի մագնիսա-ռեզոնանսային տոմոգրաֆիկ սարքավորում
02.10.2018
Շիրակի մարզն արդեն ունի մագնիսա-ռեզոնանսային տոմոգրաֆիկ սարքավորում, մարզի ազգաբնակչությունն այլևս ստիպված չի լինի այսօրինակ բժշկական ծառայությունից օգտվելու համար հասնել մայրաքաղաք: Ախուրյանի «Մոր եւ մանկան առողջության» կենտրոնում հոկտեմբերի 2-ին բացվել է «Ուլտրաիմիջինգ» ռադիոլոգիայի գիտամեթոդական կենտրոնի մասնաճյուղը: Բացման արարողությանը մասնակցել է մարզպետի տեղակալ Սոֆիա Հովսեփյանը: Մասնաճյուղը միջազգային չափանիշներին համապատասխան ծառայություն կմատուցի, ինչն հասանելի կլինի է Շիրակի մարզի բնակիչներին:
Շիրակի մարզպետի տեղակալ Սոֆիա Հովսեփյանը, մարզպետարանի կրթության, մշակույթի, սպորտի վարչության պետ Հրայր Կարապետյանի հետ հանդիպել է նաև ՄԱԿ-ի Պարենի համաշխարհային ծրագրի հայաստանյան կազմակերպության ներկայացուցիչներին: Հանդիպման ժամանակ անդրադարձ է եղել «Կայուն դպրոցական սնունդ» ծրագրի իրականացմանն առնչվող հիմնախնդիրներին, որոնք հիմնականում վերաբերում են աշակերտների քիչ թվաքնակով դպրոցներում խոհարարների վճարմանը: Կողմերը պայմանավորվածոթւյուն են ձեռք բերել համագործակցելու և խնդիրների լուծման համար քայլեր ձեռնարկելու ուղղությամբ: