Նորություններ
Հանդիպում վերընտրված համայնքապետերի հետ
24.10.2018
Շիրակի մարզպետ Կարեն Սարուխանյանն այսօր ընդունել է հոկտեմբերի 21-ին մարզի Լուսակերտ և Հովտաշեն համայնքներում անցկացված ընտրություններում հաղթանակ տարած համայնքների ղեկավարներին: Մարզպետը շնորհավորել է նորընտիր համայնքապետերին ու մաղթել նրանց բեղմնավոր ու արդյունավետ աշխատանք. «Նոր Հայաստանում կայացած նոր ու առանց ընտրախախտումների անցկացված ընտրություններում հաղթանակ տարած համայնքապետեր եք դուք: Ես ուրախ եմ ձեզ ողջունելու, ասեմ, որ մենք, որպես մարզային իշխանություններ ընտրական գործընթացը ուշադրության կենտրոնում ենք պահել և ուրախալի է, որ դրանք անցել են առանց խախտումների ու թերացումների: Ձեզ հիմա մնում է աշխատել ու արարել, քայլեր ձեռնարկել ձեր համայնքների զարգացման համար: Մենք պատրաստ ենք համագործակցության և վստահեցնում եմ մեր ուժերի չափով ամեն ինչ անելու ենք համայնքների զարգացման ու շենացման համար»:
Նշենք, որ Լուսակերտ համայնքում վերընտրվել է գործող համայնքապետ Սամվել Բալաբեկյանը, իսկ Հովտաշենում` Սեյրան Փիլոսյանը: