Նորություններ
Աշխատանքային այցով Շիրակի մարզում էր ԱԻ նախարարի պաշտոնակատար Ֆելիքս Ցոլակյանը
26.10.2018
Այսօր աշխատանքային այցով Շիրակի մարզ է այցելել ԱԻ նախարարի պաշտոնակատար Ֆելիքս Ցոլակյանը: Նախարարի գլխավորած պատվիրակությանն ընդունել է Շիրակի մարզպետ Կարեն Սարուխանյանը, մարզպետի տեղակալ Արա Մելիքջանյանի հետ մարզպետի մոտ կայացած աշխատանքային քննարկմանը մասնակցել է նաև Գյումրու քաղաքապետ Սամվել Բալասանյանը:
Հանդիպման ժամանակ անդրադարձ է եղել Ճապոնիայի կառավարության հետ համագործակցության արդյունքում իրականացվող ծրագրերին, մասնավորապես ՀՀ Շիրակի, Լոռու և Սյունիքի մարզերում «Հրշեջ գույքի բարելավման ծրագրին»: Մարզային և քաղաքային իշխանությունների հետ նախարարության ներկայացուցիչները պայմանավորվածություն են ձեռք բերել նոր տեխնիկայի տրամադրման համար անհրաժեշտ շենքային պայմանների ապահովման հարցում քայլեր ձեռնարկելու առնչությամբ: Քննարկվել են մի շարք աշխատանքային այլ հարցեր ևս: