Նորություններ
Հովտունի խոնավ ու քայքայված դպրոցական շենքը կնորոգվի
26.10.2018
Հովտունի տարրական դպրոցի շենքը կառուցվել է 1989 թվականին: 15 աշակերտ ունեցող հաստատությունը երեսուն տարիների ընթացքում քայքայվել է և այժմ անմխիթար վիճակում է, տանիքը վնասված է, դպրոցում խոնավություն է տիրում: Դեռ հուլիսին Շիրակի մարզպետը մարզպետարանի պատասխանատուների հետ այցելել էր բնակավայր, եղել նաև դպրոցում, ծանոթացել շենքի վիճակին: Անհրաժեշտ համարելով կրթական հաստատության նորոգումը, Հովտունի դպրոցն ընդգրկվել է մարզի առաջնահերթ լուծում պահանջող խնդիրների ցուցակ և այդ նպատակին նախատեսվել է 19 մլն 200 հազար դրամ: Տարածքային զարգացման հիմնադրամի պատվիրատվությամբ առաջիկայում կսկսվեն դպրոցի վերանորոգման աշխատանքները: