Նորություններ
«Իմ քայլը հանուն Շիրակի» ներդրումային համաժողովին ընդառաջ
29.10.2018
Շիրակի մարզպետի տեղակալ Արա Մելիքջանյանն այսօր աշխատանքային խորհրդակցություն է անցկացրել մարզի համայնքների ղեկավարների մասնակցությամբ: Խորհրդակցության օրակարգային թեման վերաբերել է առաջիկայում Շիրակի մարզում անցկացվելիք «Իմ քայլը հանուն Շիրակի» ներդրումային համաժողովին: Համայնքների ղեկավարներին մարզպետի տեղակալն հորդորել է ամենասեղմ ժամկետներում հավաքել, վերլուծել ու մարզպետարան ներկայացնել իրենց համայնքներում գործարարների ու հնարավոր ներդրողների մասին տեղեկատվություն:
«Այս համաժողովը, որ անցկացվելու է դեկտեմբեր ամսին, եզակի հնարավորություն է, որ կարող է լուրջ ներդրողների հետաքրքրել ու գրավել նրանց, բերել Շիրակի մարզ, իսկ մեզ համար Շիրակում գործարար մթնոլորտի ակտիվացումը, ներդրումների ներգրավումը առաջնային խնդիր է: Ես վստահ եմ, եթե համայնքները ակտիվություն ցուցաբերեն, ներկայացնեն իրենց հնարավություններն ու հետաքրքրությունները կկարողանանք մաքսիմալ օգուտ քաղել ու տեսանելի արդյունքներ ունենալ»,- նշել է Արա Մելիքջանյանը: