Նորություններ
Շիրակի մարզպետարանի և Գերմանական ԴԻ-ՎԻ-ՎԻ ինթերնեյշնալ Հայաստանյան մասնաճյուղի միջև ստորագրվեց հուշագիր
07.11.2018
Նոյեմբերի 7-ին Շիրակի մարզպետարանի և Գերմանական ԴԻ-ՎԻ-ՎԻ ինթերնեյշնալ Հայաստանյան մասնաճյուղի միջև կնքվեց «ԵՄ հանուն մշակույթի. առավել ուժեղ համայնքներ և տեղական նախաձեռնություններ» եռամյա ծրագրի շրջանակներում համագործակցության մասին հուշագիր, որը մեկնարկել էր 2018թ.-ի փետրվարի 1-ից: Հուշագրը ստորագրեց Շիրակի մարզպետի տեղակալ Արա Մելիքջանյանը: Ծրագրի հիմնական նպատակն է աջակցել Շիրակի, Գեղարքունիքի և Կոտայքի մարզերի ներառական և կայուն սոցիալ-տնտեսական զարգացմանը՝ խթանելով համայնքային զբոսաշրջության զարգացմանը, մշակութային և բնապահպանական իրազեկվածությանն ուղղված նախաձեռնություններին՝ քաղաքացիական հասարակության ներգրավմամբ:
Շիրակի մարզում ծրագրով նախատեսված հիմնական աշխատանքները կիրականացվեն առանձին քննարկման արդյունքում ընտրված Արփի խոշորացված համայնքում, որն իր մեջ ներառում է Շաղիկ, Գառնառիճ, Ծաղկուտ, Զորակերտ, Արդենիս, Բերդաշեն բնակավայրերը: