Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գյումրիում էր ՀՀ նախագահ Արմեն Սարգսյանը
08.11.2018
Նոյեմբերի 8-ին աշխատանքային այցով Գյումրիում էր ՀՀ նախագահ Արմեն Սարգսյանը: Նախագահին դիմավորել են Շիրակի մարզպետն ու Գյումրու քաղաքապետը: Այցի հիմանկան նպատակն է եղել Շիրակի Երկրագիտական թանգարանին հանձնված նախկին վիրաբուժական հիվանդանոցի կառույցի պայմաններին ծանոթանալը: Լրատվամիջոցների հետ զրույցում նախագահը տեղեկացրել է, որ կառույցի նախագծման աշխատանքերի ծախսային մասն իր վրա է վերցնում «Երևան իմ սեր» հիմանդրամը, որի միջազգային խորհրդի նախագահն է Արմեն Սարգսյանը:
Այցի շրջանակներում Արմեն Սարգսյանը եղել է նաև Գյումրու տեխնոլոգիական կենտրոնում և Գյումրու ժողովրդական ճարտարապետության և քաղաքային կենցաղի թանգարանում, մարզային ու քաղաքային իշխանության ներկայացուցիչների հետ այցելել «Արեգակ» փուռ-սրճարան:
«Գյումրին միայն բնակելի տների կարիք չունի, խնդիր ունի աշխատատեղերի ու հին քաղաքի վերականգնման, որ տուրիստներ այցելեն, Գյումրին յուրահատուկ ու տարբերվող քաղաք է, այստեղ պահպանվել է հին կոլորիտն ու ժառանգությունը»,- նշել է Արմեն Սարգսյանը:
