Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ ՇԻՐԱԿԻ ՄԱՐԶՊԵՏ ԿԱՐԵՆ ՍԱՐՈՒԽԱՆՅԱՆԻ ՈՒՂԵՐՁԸ ՏԻՄ ՀԱՄԱԿԱՐԳԻ ՍՏԵՂԾՄԱՆ ԱՌԹԻՎ

10.11.2018

Տեղական ինքնակառավարման մարմինների հարգարժան ղեկավարներ.
ՏԻՄ աշխատակիցներ.
Ի սրտե շնորհավորում եմ Ձեզ տեղական ինքնակառավարման համակարգի ստեղծման 22-ամյակի առթիվ:
Անցած 22 տարիները եղան կայացման տարիներ, քանզի տեղական ինքնակառավարումը որպես նոր համակարգ և կառավարման նոր ինստիտուտ պետք է անցներ ճանապարհ: Այդ ճանապարհը սակայն, յուրաքանչյուր ժամանակաշրջանի համար դարձավ մի նոր փորձության առիթ, հանդիպելով դժվարությունների հաղթահարման նորովի պահանջների հանուն մեր երկրի զարգացման ու բարգավաճման: Սահմանադրական վերջին բարեփոխումները և նրանից բխող օրենսդրական դաշտը լայն իրավական հնարավորություն են ընձեռում ձեզ համայնքային խնդիրների լուծման համար: Դուք այդ խնդիրների անմիջական պատասխանատուն եք:
Առավելագույնս մոտ կանգնած լինելով համայնքի բնակչին` դուք յուրատեսակ ուժ եք ոչ միայն համայնքային խնդիրների վերհանման, այլև դրանց լուծմանը հասնելու ճանապարհին: Ձեր աշխատանքից է կախված մարդկանց կյանքի որակը համայնքներում, աշխատանք, որն արհեստավարժ ու կազմակերպչական ունակությունից բացի պահանջում է նաև մարդկային չափանիշներ` բարձր պատասխանատվություն ձեր ընտրողի, ձեր բնակչի բարձրացրած յուրաքանչյուր հարցի նկատմամբ, համբերատարություն, պարկեշտություն և իհարկե անաչառություն:
Կրկին շնորհավորելով Ձեզ այս կարևորագույն օրվա կապակցությամբ, մաղթում եմ նորանոր հաջողություններ, անձնական երջանկություն և անմնացորդ նվիրումով աշխատանք ի շահ մեր ժողովրդի, ի շահ մեր պետականության զարգացման ու ամրապնդման:
Ամենաջերմ բարեմաղթանքներով՝
ՀՀ Շիրակի մարզպետ Կարեն Սարուխանյան.

 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 18:10:01