Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հայկական արտադրության առաջին Բիբլիոբուսն արդեն Շիրակում է
17.12.2018
Նորաստեղծ «ԱԱ Թրաքս» ընկերության առաջին շրջիկ գրադարանը Գյումրիում է: ՀՀ մշակույթի նախարարության նախաձեռնությամբ և Հայաստանում Չինաստանի դեսպանատան աջակցությամբ, Հայաստանում շահագործման է հանձնվել շրջիկ գրադարան, որն առաջինը տրամադրվել է Շիրակի մարզին: Գրադարանն այսօր հանձնվել է Շիրակի մարզային գրադարանին և ծառայելու է ողջ մարզին: Հանձնման հանդիսավոր արարողությանը մասնակցել են ՀՀ մշակույթի նախարար Լիլիթ Մակունցը, Շիրակի մարզպետ Կարեն Սարուխանյանը, Հայասատանում Չինաստանի արտակարգ և լիազոր դեսպան Թիան Էրլուն, «Ա.Ա. Թրաքս» ընկերության տնօրեն Արմեն Գագիկյանը, պաշտոնատար այլ անձինք, հյուրեր:
Նշենք, որ նորաստեղծ մեքենան բազմաֆունկցիոնալ է, կարող է լինել ոչ միայն գրադարան, այլ նաև խոհանոց, լաբորատորիա և այլն : Ընկերությունը պատրաստ է առաջարկի դեպքում նմանատիպ մեքենաներ ստեղծել մյուս մարզերի համար ևս:
