Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Անցկացվել է ՀՀ Շիրակի մարզային զորակոչային հանձնաժողովի հերթական նիստը
29.01.2019
ՀՀ Շիրակի մարզպետին փոխարինող Վարդան Գրիգորյանի նախագահությամբ հունվարի 29-ին անցկացվել է ՀՀ Շիրակի մարզային զորակոչային հանձնաժողովի հերթական նիստը: Նիստի ընթացքում ՀՀ Շիրակի մարզի զինվորական կոմիսարի կողմից ներկայացվել է 2018 թվականի ձմեռային զորակոչի պլանային առաջադրանքների կատարման ընթացքը։ Վերջինիս կողմից հավաստիացվել է, զինվորական կոմիսարիատի կողմից անհրաժեշտ աշխատանքներ են տարվում զորակոչի առաջադրանքները բարձր ցուցանիշներով ապահովելու ուղղությամբ։
Նիստի ընթացքում, «Զինվորական ծառայության և զինծառայողի կարգավիճակի մասին» ՀՀ օրենքի 25-րդ հոդվածի համաձայն, քննարկվել և համապատասխան որոշումներ են ընդունվել ՀՀ Շիրակի մարզի զինվորական կոմիսարիատում հաշվառված զորակոչիկներին ուսումը շարունակելու համար, ընտանեկան պայմաններից ելնելով և «Պատիվ ունեմ» ծրագրում ընդգրկված պարտադիր զինվորական ծառայության զորակոչից տարկետում տալու վերաբերյալ:
