Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետը հյուրընկալել է Գյումրիում ՌԴ հյուպատոսին
14.02.2019
Շիրակի մարզպետ Տիգրան Պետրոսյանը փետրվարի 14-ին հանդիպել է Գյումրիում ՌԴ հյուպատոս Ալեքսանդր Անատոլևիչ Կոպնինին:
Ճանաչողական հանդիպման մեկնարկին Տիգրան Պետրոսյանը ողջունել է հյուպատոսին, իսկ հյուպատոսը շնորհավորել և աշխատանքային բեղուն ընթացք է մաղթել նորանշանակ մարզպետին:
«Հարգելի պարոն Պետրոսյան շնորհավորում եմ ձեզ պատասխանատու աշխատանքի անցնելու առթիվ, ուրախ եմ, որ բավական փորձառու մարդ է այս պաշտոնում և մենք պատրաստ ենք համագործակցելու և համատեղ աշխատելու»,- նշել է Ալեքսանդր Կոպնինը:
Տիգրան Պետրոսյանը շնորհակալություն է հայտնել բարեմաղթանքների համար և վստահեցրել, որ համատեղ աշխատանքն ու գործակցությունը կրելու է շարունակական բնույթ. «Հայ և ռուս ժողովուրդների բարեկամությունը դարերի պատմություն ունի: Վստահ եմ՝ մենք կհամագործակցենք: Կարծում եմ, որ հնարավոր է խորացնել միջմարզային կապերը, նոր միջոցառումների ու գործողությունների ծրագրեր մշակել ու քննարկել»:
