Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քննարկում առողջապահական հիմնախնդիրների շուրջ
18.02.2019
Փետրվարի 18-ին Շիրակի մարզպետարանում տեղի է ունեցել Շիրակի մարզպետ Տիգրան Պետրոսյանի և ՀՀ կառավարության ու ՄԱԿ-ի հայաստանյան գրասենյակի համատեղ նախագծի` Կայուն զարգացման նպատակների ազգային նորարարական կենտրոնի / https://www.facebook.com/ArmeniaSDGLab/ և ՀՀ Առողջապահության նախարարության ներկայացուցիչների հանդիպումը:
«Շնորհակալություն ձեզ այցելության համար, վստահություն ենք հայտնում, որ մեր համագործակցությունն իրապես կնպաստի առողջապահության բնագավառի մի շարք հիմնահարցերի լուծմանը: Վստահեցնում եմ, որ մենք ամեն ինչ անելու ենք, որպեսզի կարողանանք մեր նախաձեռնություններով նպաստել մարզի ազգաբնակչության առողջության պահպանմանը, մի շարք հիվանդությունների կանխարգելմանը, վաղ հայտնաբերմանն ու բուժմանը: Այս հանդիպումը համարենք մեր համագործակցության առաջին քայլը և շարունակենք վճռականությամբ»,- նշել է Տիգրան Պետրոսյանը:
Հանդիպման ընթացքում քննարկվել են Շիրակի մարզում առողջապահության բնագավառին առնչվող մի շարք խնդիրների համար ԿԶՆ ազգային նորարարական Կենտրոնի առաջարկած նոր լուծումները: Քննարկվել են նաև Շիրակի մարզպետարանի և ԿԶՆ ազգային նորարարական կենտրոնի միջև համագործակցության հնարավորությունները:
