Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հանդիպում «Խորան Արդ» ինտելեկտուալ կենտրոն ՀԿ ներկայացուցիչների հետ
20.02.2019
Շիրակի մարզպետ Տիգրան Պետրոսյանն այսօր հանդիպել է «Խորան Արդ» ինտելեկտուալ կենտրոն ՀԿ ներկայացուցիչների հետ: Հանդիպման ընթացքում քննարկվել են մարզի զարգացման հեռանկարներին, առաջիկա մարտահրավերներին ու հիմնախնդիրներին, հնարավոր համագործակցության ուղիներին վերաբերող հարցեր:
«Խորան Արդ» ինտելեկտուալ կենտրոնի անդամները ներկայացրել են իրենց ձեռնարկները, մասնավորապես անդրադառնալով ինտելեկտուալ մրցաշարերին ու նախաձեռնություններին:
Շիրակի մարզպետը քաղհասարակության ներկայացուցիչներին վստահեցրել է, որ մարզպետարանը բաց է ցանկացած առաջարկի ու քննարկման համար՝ կարևորելով մարզի սոցիալ-տնտեսական զարգացման հեռանկարներում, զբոսաշրջության ու կրթական խնդիրների լուծման հարցում հասարակական կազմակերպությունների աջակցությունն ու համագործակցությունը:
