Նորություններ
Սերունդների համերաշխությունը՝ շախմատի մրցաշարում
28.02.2019
Այսօր տեղի է ունեցել «Պապ և թոռ» շախմատի մրցաշարի Շիրակի մարզային եզրափակիչ փուլը, որին մասնակցել են միջոցառման տարածաշրջանային փուլերում հաղթող և մրցանակակիր դարձած մարզի հանրակրթական դպրոցները ներկայացնող 24 թիմեր: Յուրահատուկ այս մրցաշարը մեկ անգամ ևս հավաստել է սերունդների՝ պապերի-տատերի և թոռների համերաշխությունը: Շվեյցարական մրցակարգով անցկացված համառ մրցապայքարից հետո մրցանակային առաջին տեղը զբաղեցրել են Գյումրու թիվ 20 հիմնական դպրոցի սանն ու իր պապը՝ Սամվել Զաքարյանները:
Հաղթողները և մրցանակակիրները պարգևատրվել են ՀՀ Շիրակի մարզպետարանի կողմից սահմանված պատվոգրերով, մեդալներով և գավաթով: