Նորություններ
Աշխատանքային քննարկում ջրամատակարարման խնդիրների շուրջ
05.03.2019
Հաշվի առնելով բնակիչների դժգոհություններն ու կարևորելով Անի խոշորացված համայնքի Լանջիկ բնակավայրի ջրամատակարարման խնդրի կարգավորումը՝ Շիրակի մարզպետ Տիգրան Պետրոսյանը մարտի 5-ին հրավիրել է աշխատանքային քննարկում, որին մասնակցել են Լանջիկի վարչական ղեկավարն ու ներկայացուցիչները, «Վեոլիա ջուր» ՓԲԸ Արևմուտք տարածաշրջանային տնօրենի մարզերի գծով տեղակալ Արայիկ Եղիկյանը: Քննարկման ժամանակ Լանջիկի բնակիչները դժգոհել են ջրամատակարարման գրաֆիկի խախտումներից, ինչի առնչությամբ Արայիկ Եղիկյանը տեղեկացրել է, որ առաջիկա մեկ-երկու օրերի ընթացքում ամեն ինչ կարվի` խնդրի կարգավորման և ջրամատակարարամն գրաֆիկի հստակեցման առնչությամբ: