Շիրակի մարզպետի աշխատակազմ

 Այսօր ՀՀ Շիրակի մարզպետարանի նախաձեռնությամբ Գյումրու թիվ 30 հիմնական դպրոցի մարզադահլիճում անցկացվել է «Ազգային խաղերի զարթոնք» խորագիրը կրող ՀՀ Շիրակի մարզի դպրոցականների մարզամշակութային մրցույթը, որի նպատակը նախնիների կողմից խաղացված ազգային խաղերի վերհիշումն է, վերականգնումը և դրանք դպրոցականների առօրյայում հնարավորինս արմատավորումը: Մրցույթին մասնակցել են Շիրակի մարզի մի շարք դպրոցների թիմերը: Թիմի կազմում ընդգրկված են եղել 5 - 6-րդ դասարանների հինգ աշակերտ՝ երեք տղա և երկու աղջիկ: Ծրագրով անցկացվել է «Աչքկապոցի», «Փայտ քաշոցի», «Աքլորակռիվ» և «Պարանի ձգում» խաղ-մրցույթները: Միջոցառումը մեկնարկել է «Քոչարի» պարով՝ միաժամանակ պարել են բոլոր 8-ը թիմերը:
Մրցույթի ընդհանուր հաշվարկում մրցանակային եռյակը գլխավորել է Գյումրու թիվ 23 միջնակարգ դպրոցի թիմը, երկրորդ և երրորդ հորիզոնականները զբաղեցրել են համապատասխանաբար՝ Բայանդուրի և Ղարիբջանյանի միջնակարգ դպրոցների թիմերը: