Նորություններ
Տիգրան Պետրոսյանը հյուրընկալել է «Կազա» շվեյցարական մարդասիրական հիմնադրամի ներկայացուցիչներին
22.03.2019
Տիգրան Պետրոսյանն այսօր հյուրընկալել է «Կազա» շվեյցարական մարդասիրական հիմնադրամի ներկայացուցիչներին: Հանդիպմանը հիմնադրամի ներկայացուցիչները խոսել են իրենց գործունեության ու իրականացված ծրագրերի մասին՝ նշելով, որ 22 տարի կազմակերպությունը գործունեություն
է ծավալել հինգ ոլորտներում` մարդասիրություն, շինարարություն, կրթություն, գյուղատնտեսություն, զբոսաշրջություն:
Շիրակի մարզպետը ողջունել է հյուրերին և նշել, որ բարձր է գնահատում կազմակերպության գործունեությունը, հատկապես, երիտասարդության հետ աշխատանքում՝ կարևորելով համագործակցությունը: Տիգրան Պետրոսյանը ընդգծել է, որ մարզային իշխանությունները պատրաստ են գործակցելու և աջակցելու հնարավորությունների սահմաններում: