Նորություններ
Անցկացվել է «GTC for Gyumri» ցուցահանդես-Էքսպո
17.05.2019
Ձեռնարկությունների ինկուբատոր հիմնադրամի և Գյումրու տեխնոլոգիական կենտրոնի ջանքերով մայիսի 17-ին անցկացվել է «GTC for Gyumri» ցուցահանդես-Էքսպո, որի ընթացքում Շիրակի մարզում գործող տարբեր ոլորտների կազմակերպություններ ներկայացրել են իրենց գործունեությունը և ապագա ծրագրերը, միմյանց հետ կիսվել իրենց փորձով։ Մինչ էքսպոյի մեկնարկը տեղի է ունեցել տեխնոլոգիական կենտրոնի գործունեությունը ներկայացնող կարճամետրաժ ֆիլմի ցուցադրություն: Ներկաներին ողջունել է Շիրակի մարզպետ Տիգրան Պետրոսյանը. « Անչափ ուրախալի է, որ մեկ հարկի տակ են հավաքվել և բուհերի ներկայացուցիչներ, և գործատուներ, և պետական մարմինների պատասխանատուներ, և իհարկե մեր երիտասրադները: Այս բոլոր կողմերը համատեղ ջանքերով կարող են լրիվ նոր ձեռքբերումներ ու հաջողություններ գրանցել»:
Նշենք, որ Էքսպոյի ընթացքում մասնակիցները ծանոթացել են Շիրակի մարզում գործող թափուր աշխատատեղերի, կրթաթոշակների, տուրիստական կազմակերպությունների գործունեությանը, ինչպես նաեւ Գյումրիում կայանալիք ամառային ծրագրերին։