Շիրակի մարզպետի աշխատակազմ

Գյումրու թիվ 30 հիմնական դպրոցում այսօր անցկացվել է հանրապետական մարզական միջոցառումներում Շիրակի մարզի պատիվը բարձր պահած թիմերի մեծարման ցերեկույթ:2019-ին տեղի ունեցած մարզական երեք միջոցառումներին հաղթող են ճանաչվել «Երեխաների խնամքի և պաշտպանության լավագույն մարզական հաստատություն» մրցույթում՝ Գյումրու երեխաների սոցիալական հոգածության կենտրոնը, «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 1-ինից 3-րդ դասարանների աշակերտների միջև անցկացվող սպորտլանդիայում»՝ Գյումրու թիվ 23 միջնակարգ դպրոցը, «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 4-7-րդ դասարանների աշակերտների միջև անցկացվող սպորտլանդիայում»՝ Գյումրու թիվ 30 հիմնական դպրոցը: