Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Վերաբացբել է Հենրիխ Մխիթարյանի հոր անունը կրող մարզադաշտը

02.06.2019

 Շիրակի մարզի Սպանդարյան համայնքում հունիսի 2-ին վերաբացվել է 1980-ականներին կառուցված ֆուտբոլի մարզադաշտը, որը կրելու է Հայաստանի հավաքականի ավագ` Հենրիխ Մխիթարյանի հոր` «Արարատ» ֆուտբոլային թիմի հարձակվող Համլետ Մխիթարյանի անունը։
Մարզադաշտի բացման հանդիսավոր արարողությանը մասնակցել են Շիրակի մարզպետ Տիգրան Պետրոսյանը, Հայաստանի հավաքականի ավագ, գլխավոր ռմբարկու, Լոնդոնի «Արսենալի» կիսապաշտպան Հենրիխ Մխիթարյանը` քրոջ` Մոնիկա Մխիթարյանի և մոր` Մարինա Թաշչյանի հետ, ՀՀ ԱԺ նախկին պատգամավոր Սամվել Ֆարմանյանը, տարածաշրջանի համայնքների ղեկավարներ, բնակիչներ ու հյուրեր:
Շիրակի մարզպետը շնորհավորել է բնակիչներին և վստահություն հայտնել, որ որ այս մարզադաշտի բացումից հետո Սպանդարյանից անվանի ֆուտբոլիստների մասին դեռ կլսի:

«Շնորհակալ եմ, որ հորս հիշատակը վառ եք պահում, այս պահին էմոցիաներս շատ են, մի փոքր էլ հուզված եմ: Հույս ունեմ, որ այստեղ հետաքրքիր ֆուտբոլային հանդիպումներ կլինեն»,- ասել է Հենրիխ Մխիթարյանը:
Մարզադաշտի վերաբացման աշխատանքների համար պետական բյուջեից հատկացվել է 37 մլն ՀՀ դրամ, աշխատանքները սկսվել էին 2017 թվականից, ամբողջությամբ վերականգնվել է ցանկապատը, մարզադաշտի կողքին կառուցվել է հանդերձարան՝ բոլոր հարմարություններով:
Մարզադաշտի բացման արարողությունից հետո տեղի է ունեցել ֆուտբոլային հանդիպում Սպանդարյանի «Սիփան» ակումբի և Հայաստանի մարզական լրագրողների հավաքականի միջև:

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-06-18 17:34:22