Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Շրջայց վերակառուցվող փողոցների շինհրապարակներում

25.06.2019

Շիրակի մարզպետ Տիգրան Պետրոսյանը մարզպետարանի քաղաքաշինության վարչության պետ Ալբերտ Մարգարյանի, տրանսպորտի և ճանապարհաշինության բաժնի պետ Խաչատուր Խնձրցյանի և շինարարություն իրականացնող պատասխանատուների հետ շրջել է Գյումրիում «ՎԶԵԲ»-ի ֆինանսավորմամբ «Գյումրու քաղաքային ճանապարհներ» ծրագրի շրջանակներում և Հայաստանի տարածքային զարգացման հիմնադրամի կողմից Համաշխարհային բանկի ֆինանսավորմամբ իրականացվող վերակառուցվող փողոցների շինհրապարակներ:
Շրջայց է կատարվել Գյումրու Երևանյան խճուղի, Վազգեն Սարգսյան, Գերցեն, Տիգրան Մեծ, Սայաթ-Նովա, Գարեգին Նժդեհ փողոցներում: Մարզպետը եղել է Հայաստանի տարածքային զարգացման հիմնադրամի կողմից Համաշխարհային բանկի ֆինանսավորմամբ վերակառուցվող փողոցներում՝ Շիրազի, Գայի և Հակոբյան փողոցներ, «Վարդանանց» հրապարակ:
Շիրակի մարզպետը մարզպետարանի քաղաքաշինության վարչության աշխատակիցների, շինարարների, տեխնիկական և հեղինակային հսկողություն իրականացնող կազմակերպությունների հետ քննարկել է փողոցաշինությանը, ժամկետներին ու աշխատանքների որակին վերաբերող հարցեր:
2018 թվականից Գյումրի համայնքում «ՎԶԵԲ»-ի ֆինանսավորմամբ «Գյումրու քաղաքային ճանապարհներ» ծրագրի շրջանակներում ընթացքի մեջ են թվով 12 փողոցների կամ փողոցների հատվածների և 2 հրապարակների վերակառուցման աշխատաքները՝ շուրջ 11 կմ երկարությամբ:
2018 թվականից շարունակվում են Հայաստանի տարածքային զարգացման հիմնադրամի կողմից Համաշխարհային բանկի ֆինանսավորմամբ իրականացվող 5 փողոցների կամ փողոցների հատվածների՝ շուրջ 1.8 կմ երկարությամբ և 2 հրապարակների վերակառուցման աշխատանքները:
Տիգրան Պետրոսյանն այցելել է նաև Շիրազի փողոցին հարող բնակելի տներում ստեղծված հյուրատներ:

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 12:42:58