Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետն այցելել է նախկին «Շիրակ» հյուրանոցի շենքի տարածք՝
26.06.2019
Շիրակի մարզպետ Տիգրան Պետրոսյանը մարզպետարանի պատասխանատուների հետ այցելել է նախկին «Շիրակ» հյուրանոցի շենքի տարածք՝ ծանոթանալու ընթացող շինարարական աշխատանքների ընթացքին, մինչ այժմ իրականացված ծավալներին, առաջիկա անելիքներին:
«Բասենի Գովք» ՍՊԸ կողմից իրականացվող ծրագի ներդրումային մասը մոտ 1 մլրդ դրամ է, նախատեսվում է 100-150 նոր աշխատատեղի ստեղծում: Նախկին հյուրանոցի և նրան հարող տարածքում կառուցվելու է հյուրանոցային համալիր, առևտրային կենտրոն և սննդի սպասարկման վայր:
Արդեն իրականացվել են հյուրանոցի վթարային շենքի ապամոնտաժման և տարածքի մաքրման աշխատանքները, շինարարական և այլ տեսակի աղբի հեռացումը, տարածքի տեխնիկական հետազննության և հիմքերի ուսումնասիրության աշխատանքները: Կառուցապատման ու շինարարական աշխատանքներն ընթացքի մեջ են:
Ծրագրով նախատեսվում է երեք տարվա ընթացքում կառուցել և շահագործել չորսհարկանի կառույց, որի առաջին հարկը կզբաղեցնի առևտրի կենտրոնը, երկրորդը` հասարակական սննդի օբյեկտները՝ իրենց խոհանոցային տնտեսություններով: Երրորդ և չորրորդ հարկերը կզբաղեցնի հյուրանոցը՝ հյուրանոցային համարներով, վարչական և օժանդակ տարածքներով: Կառույցի ստորգետնյա հարկը նախատեսված է հաճախորդների ավտոմեքենաների կայանատեղիի համար, իսկ մյուս հատվածը պահեստային և օժանդակ տարածքների համար:
