Շիրակի մարզպետի աշխատակազմ

 Այսօր տեղի է ունեցել ՀՀ քննչական կոմիտեի Շիրակի մարզային քննչական վարչության վերանորոգված նոր մասնաշենքի բացման արարողությունը, որին ներկա են գտնվել Շիրակի մարզպետ Տիգրան Պետրոսյանը, քննչական կոմիտեի նախագահ Հայկ Գրիգորյանը, քաղաքապետ Սամվել Բալասանյանը, ոստիկանության Շիրակի մարզային վարչության պետ Սևան Քոչարյանը, Շիրակի մարզի դատախազ Կարեն Գաբրիելյանը, պաշտոնատար այլ անձինք:
Ներկաները շրջել են շենքում, ծանոթացել պայմաններին: Շենքը նորոգվել է, ունի աշխատասենյակներ, խորհրդակցությունների դահլիճ, ինչպես նաև նախատեսվել են առանձին սենյակներ՝ իրեղեն ապացույցների պահպանման, անչափահասների հարցաքննության համար, դրանք կահավորվել են նոր գույքով, ապահովվել անհրաժեշտ տեխնիկայով։