Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շնորհակալագրի Շիրակի մարզպետարանի կրթության, մշակույթի և սպորտի վարչությունը
02.08.2019
Ռուսաստանի Դաշնության գիտաքաղաքի անունը կրող Կորոլյովի քաղաքային շրջանի աշխատակազմի կողմից Շիրակի մարզպետարանի կրթության, մշակույթի և սպորտի վարչությունը և վարչության պետ Հրայր Կարապետյանն արժանացել են շնորհակալագրի՝ Կորոլյովի կրթական հաստատությունների քաղաքային շրջանի հանրակրթական ուսումնական հաստատությունների ղեկավարների խմբի ընդունելությունը կազմակերպելու, Կորոլյովի քաղաքային շրջանի և Շիրակի մարզի կրթական հաստատությունների միջև կապեր հաստատելու, շնորհալի երեխաների հետ աշխատելու և կրթության որակը բարելավելու ուղղությամբ կատարած աշխատանքների համար։
Նշենք, որ դեռ 2018 թվականի նոյեմբերին Կորոլյովի ուսումնական հաստատությունների ներկայացուցչական խումբը աշխատանքային այցով Գյումրիում էր, որի շրջանակներում կազմակերպվել են հանդիպումներ մարզի մի շարք ուսումնական հաստատությունների ղեկավարների հետ, տեղի են ունեցել քննարկումներ, ձեռք են բերվել համագործակցությանն վերաբերող մի շարք պայմանավորվածություններ։
