Նորություններ
Միջպետական նշանակության ավտոմոբիլային ճանապարհի Շիրակի մարզում գտնվող Սպիտակ-Գյումրի-Թուրքիա հատվածը նորոգվում է
15.08.2019
ՀՀ Շիրակի մարզպետ Տիգրան Պետրոսյանի հանձնարարությամբ, մշտադիտարկման աշխատանքների շրջանակներում, ՀՀ Շիրակի մարզպետարանի քաղաքաշինության վարչության տրանսպորտի և ճանապարհաշինության բաժնի պետ Խաչատուր Խնձրցյանն այսօր եղել է միջպետական նշանակության ավտոմոբիլային ճանապարհի Շիրակի մարզում գտնվող Սպիտակ-Գյումրի-Թուրքիա հատվածի շինհրապարակում, հետևել ՀՀ պետական բյուջեով նախատեսված միջոցների հաշվին իրականացվող ճանապարհի նորոգման աշխատանքներին:
Նշենք, որ այս պահին իրականացվում են ճանապարհի երթևեկելի մասի ասֆալտբետոնյա ծածկույթի ֆրեզավորման աշխատանքները։ Առաջացած հանույթը տրամադրվելու է մարզի Մարմաշեն համայնքին՝ ճանապարհին հարակից Մարմաշեն համայնքի Կրաշեն, Մեծ Սարիար, Ջաջուռավան, Հացիկ և Մարմաշեն բնակավայրերի գլխավոր փողոցները հարթեցնելու նպատակով: