Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հետևողական աշխատանք իրականացվող ճանապարհաշինությանը
29.08.2019
ՀՀ Շիրակի մարզպետ Տիգրան Պետրոսյանի հանձնարարությամբ, մշտադիտարկման աշխատանքների շրջանակներում, ՀՀ Շիրակի մարզպետարանի քաղաքաշինության վարչության տրանսպորտի և ճանապարհաշինության բաժնի պետ Խաչատուր Խնձրցյանն այսօր եղել է միջպետական նշանակության ավտոմոբիլային ճանապարհի Շիրակի մարզում գտնվող Սպիտակ-Գյումրի-Թուրքիա հատվածի շինհրապարակում, հետևել ՀՀ պետական բյուջեով նախատեսված միջոցների հաշվին իրականացվող ճանապարհի նորոգման աշխատանքներին:
Աշխատանքներն իրականացնում է <<Լիլիթ 87>> ՍՊԸ։
Վերանորոգվող ճանապարհի երթևեկելի մասի ասֆալտբետոնյա ծածկույթի ֆրեզավորման աշխատանքներն ավարտվել են։ Այս պահին իրականացվում է ճանապարհի երթևեկելի մասի ասֆալտբետոնյա ծածկույթի տեղադրման աշխատանքներ։
Ֆրեզավորման աշխատանքների ընթացքում առաջացած հանույթը տրամադրվում է մարզի Մարմաշեն համայնքին: Ֆրեզավորման աշխատանքների ընթացքում առաջացած հանույթով կհարթեցվեն ճանապարհին հարակից Մարմաշեն համայնքի Կրաշեն, Մեծ Սարիար, Ջաջուռավան, Լեռնուտ, Ջաջուռ, Հացիկ և Մարմաշեն բնակավայրերի գլխավոր փողոցները, ինչպես նաև Մարմաշենի վանական համալիր տանող ճանապարհը:
Վերը նշված աշխատանքները շարունակվում են:
