Շիրակի մարզպետի աշխատակազմ

 Շիրակի մարզպետ Տիգրան Պետորսյանը մարզպետարանի տեղական ինքնակառավարման և հանրապետական գործադիր մարմինների հարցերով վարչության պետ Արամ Անտոնյանի հետ աշխատանքային այցով եղել է Երազգավորս և Ախուրիկ համայնքներին հարակից պետական սահմանային գոտում։ Սահմանապահ ջոկատի հրամանատարության ուղեկցությամբ մարզպետը շրջել է սահմանային գոտում, ծանոթացել սահմանապահների աշխատանքին ու սահմանային գոտում իրականացվող ծառայությանը։
Տիգրան Պետրոսյանը այցելել է նաև Ախուրիկ համայնք, համայնքապետի ուղեկցությամբ ծանոթացել Ախուրիկում իրականացվող աշխատանքներին, մասնավորապես, այժմ համայնքում, բարեկարգման աշխատանքների շրջանակներում, տեղադրովւմ են նոր կանգառներ։
Շրջայցի ընթացքում Տիգրան Պետրոսյանը կարևորել է համայնքի ներուժի լիարժեք օգտագործումը։ Մարզպետը հորդորել է համայնքի ղեկավարին առաջիկա նախաձեռնությունների ու ծրագրերի մեջ ուշադրությունը կենտրոնացնել համայնքում առողջարանային տուրիզմի զարգացմանը։ Խոսքը համայնքի տարածքով հոսող հանքային բուժիչ ջրերը որպես տուրիզմի զարգացման հնարավորություն օգտագործելու մասին է։