Շիրակի մարզպետի աշխատակազմ

 Շիրակի մարզպետ Տիգրան Պետրոսյանy դեկտեմբերի 6-ին աշխատանքային խորհրդակցություն է անցկացրել մարզպետարանի պատասխանատուների մասնակցությամբ։ Խորհրդակցության ընթացքում քննարկվել են տարեվերջյան ամփոփիչ աշխատանքներին վերաբերող հարցեր։ Հանձնարարվել է ոլորտային բոլոր պատասխանատուներին ամփոփել անցնող տարվա ընթացքում կատարած աշխատանքներն ու իրականացված ծրագրերը, ինչպես նաև առաջիկա անելիքների և առկա հիմնահարցերի մասին ամբողջական հաշվետվություն կազմել, որը կներկայացվի հանրությանը։
Խորհրդակցության ժամանակ Շիրակի մարզպետը մարզպետի օգնական Էմմա Բաղդասարյանին և մարզպետարանի առողջապահության բաժնի գլխավոր մասնագետ Դավիթ Նազարեթյանին է հանձնել ՀՀ վարչապետի աշխատակազմի անունից տրված շնորհակալագրերը՝ ՀՀ անկախության 28 ամյակին նվիրված միջոցառումների կազմակերպչական աշխատանքներին մասնակցելու համար։