Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Պաշտոնապես տրվեց «Դպրոցականի ֆիլհարմոնիայի» Գյումրու մասնաճյուղի աշխատանքների մեկնարկը
19.12.2019
Հայաստանի պետական ֆիլհարմոնիայի «Դպրոցականի ֆիլհարմոնիա» նախագծի շրջանակում՝ դեկտեմբերի 19-ին, Գյումրիի «Մարզամշակութային կենտրոնում» պաշտոնապես տրվեց «Դպրոցականի ֆիլհարմոնիայի» Գյումրու մասնաճյուղի աշխատանքների մեկնարկը: Դասական և ազգային երաժշտության դաս-համերգներին, այսուհետ, կարող են ներկա գտնվել գյումրեցի դպրոցականները: Դաս-համերգների մուտքն ազատ է: Սպասված ու մշակութային քաղաքին հատկանշական նախագծի բացման արարողությանը ներկա են գտնվել Շիրակի թեմի առաջնորդ Միքայել արքեպիսկոպոս Աջապահյանը, Շիրակի մարզպետ Տիգրան Պետրոսյանը, ԱԺ պատգամավոր Սոֆյա Հովսեփյանը, մարզային իշխանության ներկայացուցիչներ, արվեստագետներ, հյուրեր, դպրոցականներ: «Դպրոցականի ֆիլհարմոնիայի» Գյումրու մասնաճյուղի բացմանը ելույթ է ունեցել Երևանի պետական կամերային երգչախումբը՝ ՀՀ արվեստի վաստակավոր գործիչ Հարություն Թոփիկյանի ղեկավարությամբ:
