Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հայոց բանակի 28-րդ տարեդարձը տոնականորեն նշվեց նաև Շիրակի մարզում
28.01.2020
Հայաստանի Հանրապետության զինված ուժերի կազմավորման 28-րդ տարեդարձի առթիվ Գյումրու կայազորում այսօր կայացել է հանդիսավոր միտինգ:
Տոնի առթիվ ներկաներին շնորհավորել է Շիրակի մարզպետ Տիգրան Պետրոսյանը. "Շնորհավորում եմ բոլորիս այս տոնական օրվա առթիվ, ցավոք մեր բանակի կայացման գործում մեծ ավանդ ու ներդրում ունեցած շատ հայորդիներ մեզ հետ չեն և չտեսան այս փառապանծ օրը։ Հավերժ փառք նրանց։ Մեր զինվորներին անկոտրում կամք եմ մաղթում, իսկ մեր բանակին հաղթական բազում էջեր ու բանակաշինության հիասքանչ տարեգրություն"։
Զինվորներին և սպաներին ողջունել են նաև ՀՀ ԶՈՒ հրթիռային զորքերի և հրետանու վարչության պետի տեղակալ, գնդապետ Ռուբեն Գասպարյանը, Գյումրու քաղաքապետ Սամվել Բալասանյանը։
Հանդիսավոր պայմաններում, ի նշանավորումն Հայոց բանակի 28-րդ տարեդարձի, պատվոգրեր և շնորհակալագրեր են հանձնվել ծառայության ժամանակ աչքի ընկած սպաներին և զինվորներին: Միտինգը եզրափակվել է շարային հանդիսավոր քայլերթով:
Տոնի կապակցությամբ համերգային ծրագրով հանդես է եկել Գյումրու Ժողովրդական գործիքների պետական նվագախումբը: Գյումրու կայազորին շնորհավորել են նաև Գյումրու թիվ 11 դպրոցի աշակերտները:
