Շիրակի մարզպետի աշխատակազմ

 Անգլերեն լեզվի դասավանդման հմտությունների ու դպրոցներում անգլերենի ուսուցման արդյունավետության բարձրացմանը վերաբերող հարցեր են այսօր քննարկել Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը, Բրիտանական խորհրդի հետազոտող, Լեսթերի համալսարնի ներկայացուցիչ Ջեֆրի Սթենֆորդը և Բրիտանական խորհրդի անգլերենի ծրագրերի համակարգող Լորիկ Հարթունը։ Կարևորելով մարզի դպրոցներում օտար լեզուների ուսուցման մակարդակի բարձրացումը՝ Հրայր Կարապետյանը պատրաստակամություն է հայտնել համագործակցել Բրիտանական խորհրդի հետ, համագործակցության կարևոր օրինակ համարելով մարզի երկու դպրոցներում «Անգլերենի ակումբների» բացումը։ Հանդիպման ժամանակ անդրադարձ է կատարվել անգլերեն լեզվի դասավանդման ծրագրերին, դրանցում փոփոխություններ կատարելու անհրաժեշտությանը, ինչպես նաև աշակերտների ինքնուրույնության բարձրացմանը, ստեղծագործական նախաձեռնություններ ցուցաբերելուն և ազատ զարգացմանը: