Նորություններ
Տեղի է ունեցել ձմեռային զորակոչի ենթակա վերջին զորակոչիկներին կենտրոնական հավաքակայան ուղեկցելու արարողությունը
30.01.2020
Հունվարի 30-ին Շիրակի մարզի զինվորական կոմիսարիատում տեղի է ունեցել ձմեռային զորակոչի ենթակա վերջին զորակոչիկներին կենտրոնական հավաքակայան ուղեկցելու արարողությունը, որին մասնակցել է նաև Շիրակի մարզպետ Տիգրան Պետրոսյանը: Մարզպետը նորակոչիկներին մաղթել է անփորձանք ծառայություն և բարի վերադարձ։
Շիրակի մարզի զինվորական կոմիսար, գնդապետ Ա. Համբարձումյանը ՀՀ Շիրակի մարզպետին տեղեկացրել է, որ զորակոչային առաջադրանքը մարզում կամփոփվի բարձր ցուցանիշներով, ինչպես նաև շնորհակալություն է հայտնել մարզային զորակոչային հանձնաժողովին զորակոչի ընթացքում ցուցաբերած աջակցության համար։ Ձմեռային զորակոչի վերջին օրը մարզից զորակոչվել են 36 զորակոչիկներ:
Մարզպետը տեղում ծանոթացել է նաև մարզի զինվորական կոմիսարիատի բժշկական հանձնաժողովի և բաժինների աշխատանքներին։