Նորություններ
Կայացել է Շիրակի մարզի սամբոյի պատանեկան առաջնությունը
01.02.2020
«Աշխատանքային ռեզերվներ» մարզական հասարակական կազմակերպության Գյումրու մասնաճյուղի մարզադահլիճում այսօր կայացել է Շիրակի մարզի սամբոյի պատանեկան առաջնությունը: 10 քաշային կարգերում մրցել են մարզի համայնքները և մարզական կազմակերպությունները ներկայացնող 50-ից ավելի պատանի սամբիստներ: Մրցումների արդյունքներով կհամալրվի մարզի հավաքական թիմը, որը կմասնակցի փետրվարի 29-ից մարտի 1-ը Երևանում անցկացվելիք ՀՀ պատանեկան առաջնությանը: Միջոցառմանը ներկա են եղել Շիրակի մարզպետի տեղակալ Վարդան Գրիգորյանը, Հայաստանի սամբոյի ֆեդերացիայի նախագահ Մ.Հայրապետյանը, սամբոյի հանրապետության հավաքական թիմի մարզիչ Վ.Խոջայանը, մարզական ոլորտի պատասխանատուներ և մարզական կազմակերպությունների ղեկավարներ: